Мне же ныне о сихъ вина не мала, точию за пренуждение некиихъ отъ любящих мя дерзнухъ, якоже видиши, малая собрати отъ многихъ воедино яже обретохъ, ова писано издревле, мню, яко летъ за сто или больше, иная же на словахъ, относящихся премного зело и еще обносятся нами неведомая яже акще кто и паче отъ многолюботрудолюбныхъ потщится мирския сия вещи или пословицы собрати едва ли возможетъ. Ты же зде проходя или послушая писанна молю да не зазриши симъ и да вмениши реченных въ призорство: не въ ново бо сия, ни нами начало приять; но стародавная некая точию ныне воедино собра, яже отъ многих летъ въ мире утвердишеся. И древнии мужие, собою искусъ пословицъ въ вещах приимше, утвердиша; отъ нихъ же другоприемне по ряду и доднесь твердостно множайшая въ насъ содержатся, мне же и впредь будутъ держатися со усугублениемъ.